اسلام آباد (اے ایف بی) وزیرخزانہ شوکت ترین نے دکاندار سے پکی رسید وصول کرنے والے صارفین کیلئے انعامی اسکیم لانے کا اعلان کردیا ، جس میں ہر ماہ 25 کروڑ کے انعامات دیئے جائیں گے۔تفصیلات کے مطابق وزیرخزانہ شوکت ترین نے پریس کانفرنس میں کہا ہے کہ صارف کچھ بھی خریدیں پکی پرچی لیں، گاہک دکاندار سے پکی رسیدوصول کرے ، پکی رسید وصول کرنے والے صارفین کیلئے انعامی اسکیم لائیں گے ، جس میں ، ہر ماہ 25 کروڑ کےانعامات دیں گے ،انعام اسکیم کی مالیت ایک ارب روپے تک لے شوکت ترین کا کہنا تھا کہ ٹیکس دینے والوں کو مزید سہولتیں دیں گے ، سبسڈی کازیادہ استعمال توانائی کےشعبےمیں ہوتا ہے، آئی ایم ایف سے ہم نکلے نہیں ان سے بات چیت جاری ہے ، ریکوری زیادہ کریں گے آپ کویہ نہیں پتہ کہ ایف بی آرمیں ٹیکنالوجی ریفارمزکتنی آئی ہیں تو افسوس کی بات ہے، ایف بی آر میں بہت سی ریفارمزہوچکی ہیں ، 4سے5لوگ اکٹھے ہوکرایف بی آر کا دورہ کریں، حکومت نے ایف بی آر میں خصوصی سیل بنایاہے ، ایف بی آر کاخصوصی سیل تاجروں کے مسائل حل کرے گا۔اور لائن لاسزکم کرینگے ، جس کیلئے وقت لگے گا۔کرجائیں گے۔
ان کا مزید کہنا تھا کہ ٹیکنالوجی پلیٹ فارمزکوایڈوانس کردیاہے، کمپلائنس ڈیش بورڈبنادیےہیں جس کیلئےزیادہ ورک فورس کی ضرورت نہیں، ڈنڈےسےکام چلانا بہت دیکھا ہےلیکن ایسانہیں ہوتا، مارشل لا میں بھی ڈنڈے سے کام چلانےکی کوشش کی گئی۔ حبیب بینک میں کروڑپتی اسکیم لایاتھا،ہرماہ ایک کروڑدیتاتھا ، اس وقت تین ماہ میں چالیس ارب کے ڈیپازٹ بڑھ گئے تھے۔ تنخواہوں میں اضافہ سرکاری ملازمین کا حق ہے، ہم منی بجٹ نہیں لائیں گے ، مہنگائی کے مقابلےمیں تنخواہوں میں زیادہ اضافہ ہوناچاہیے۔ ایران سےمعاہدوں کےباعث آئل کی قیمتیں کم ہوناشروع ہوں گی، سگریٹ انڈسٹری پرٹیکس بڑھانےپڑےتوبڑھائیں گے ، سعودی عرب سے ادھار تیل میں رعایت لیں گے۔
ٹیکس نظام کے حوالے سے شوکت ترین کا کہنا تھا کہ حکومت ٹیکس نظام مزیدسادہ بنانےکی خواہاں ہے ، 800سی سی گاڑیوں کو فیڈرل ایکسائز سے چھوٹ دی جارہی ہے، 850سی سی گاڑیاں سستی ہوجائیں گی، اگلے سال تک کارکردگی دیکھ لیجئےگا بہتری آئے گی۔نوجوانوں کی نوکریوں سے متعلق وزیر خزانہ نے کہا کہ نوجوانوں اور گھروں کی تعمیر مرحلہ وار کریں گے، ہم نوجوانوں کی نوکریوں کیلئےتیار کررہے ہیں ، ہم پروگرام لا رہےہیں تاکہ نوجوانوں کو ہنردےسکیں، نوجوان اسکل ڈیولپمنٹ پروگرام سے روزگارحاصل کرسکتےہیں، گھرمیں ایک شخص کو روزگار ملے توپورا گھرخوشحال ہوجاتاہے۔
