Month: June 2021

اسلام آباد(اے ایف بی) وفاقی سرکاری تعلیمی اداروں میں تعلیم حاصل کرنے والے طلبا کے لئے بڑی خبر ہے کہ کچھ کلاسز کے امتحانات جبکہ کچھ کے امتحانات لینے کا فیصلہ کیا ہے۔ وفاقی سرکاری تعلیمی اداروں میں پہلی سے چوتھی، چھٹی ساتویں کلاس کو بغیر امتحان پروموٹ کرنےکا فیصلہ کیا گیا ہے جبکہ پانچویں اور آٹھویں کے امتحانات لیےجائیں، اس طریقہ کار کی وزارت تعلیم نےمنظوری دے دی ہے۔

ذرائع کا کہنا ہے کہ ڈائریکٹر جنرل وفاقی نظامت تعلیمات نے امتحانات سےمتعلق سمری بھجوائی، سمری میں پانچویں اور آٹھویں کے امتحانات لازمی لینےکی سفارش کی گئی۔ پہلی سے چوتھی،چھٹی ساتویں کلاسز کے طلبا کو گزشتہ سال کے نتائج کی بنیاد پربچوں کو پروموٹ کیا جائےگا۔حکام وزارت تعلیم کے مطابق گزشتہ سال پہلی سےآٹھویں تک کے طلباکو بغیر امتحان پروموٹ نہیں کیا گیا تھا، 90 فیصد طلبا کےامتحانات ہوئے تھے اور نتائج کی بنیاد پر انہیں پاس کیا گیا تھا۔ پانچویں اور آٹھویں کے سینٹرلائزڈ امتحانات کا شیڈول وفاقی نظامت تعلیمات جاری کرےگا۔

لاہور(اے ایف بی)سکول ایجوکیشن ڈیپارٹمنٹ پنجاب نے لاہورسمیت پنجاب بھر کے سکول سربراہان کو سٹاف کی ویکسنیشن کا سرٹیفکیٹ جمع کروانے کی ہدایت کردی،ویکسنیشن نہ کروانے والے سٹاف کیخلاف پیڈا ایکٹ کے تحت کاروائی عمل میں لائی جائے گی۔ تفصیلات کے مطابق سکول سربراہان کو سٹاف کی ویکسنیشن کا سرٹیفکیٹ 5 جون تک جمع کروانے کی ہدایت جاری کی گئی۔

سکولوں میں تمام ٹیچنگ اور نان ٹیچنگ سٹاف کورونا ویکسنیشن کروانے کے پابند ہونگے۔تمام سٹاف کی ویکسنیشن کروانے کی ذمہ داری سکول سربراہان کی ہوگی۔ویکسنیشن کے حوالے سے سکول سربراہان 5 جون کو رپورٹ جمع کروانا ہو گی۔احکامات نہ ماننے والے اساتذہ ونان ٹیچنگ سٹاف کیخلاف پیڈا کے تحت کاروائی کیجائے گی۔سکول ایجوکیشن ڈیپارٹمنٹ نے ویکسی نیشن کے حوالے سے اتھارٹیز کو مراسلہ جاری کردیا۔

لاہور(اے ایف بی) وزیراعلیٰ پنجاب عثمان بزدار نے بجٹ میں سوشل سیکٹرکیلئےزیادہ فنڈزمختص کرنےکی ہدایت کرتے ہوئے کہا سرکاری ملازمین کے لئے تنخواہوں میں اضافہ کرکے اچھی خبردیں گے۔تفصیلات کے مطابق وزیراعلیٰ پنجاب عثمان بزدارکی زیرصدارت اجلاس ترقیاتی منصوبوں،مالیاتی امورکاجائزہ اجلاس ہوا، جس میں سڑکوں کی تعمیر و مرمت میں شفافیت ،معیاریقینی بنانے کے لئے اقدام کرتے ہوئے پنجاب کی سڑکوں کی بحالی کاخصوصی پروگرام شروع کرنے کا اصولی فیصلہ کرلیا۔

وزیراعلیٰ پنجاب نے سی ایم پیکیج برائےبحالی روڈزکی منظوری دیتے ہوئے کہا ٹوٹ پھوٹ کاشکارسڑکوں کومکمل طورپربحال کیاجائےگا، سڑکیں بحال کرکے عوام کےلئےآسانیاں پیداکرنےکی حکمت عملی بنا لی۔عثمان بزدار کا کہنا تھا کہ خطیررقم خرچ کرنےکے باوجودسڑکوں کی حالت خراب ہوناافسوسناک ہے ، سرکاری وصولیوں میں20فیصداضافہ شفاف پالیسیوں کاثمرہے۔وزیر اعلیٰ پنجاب نے زیرتکمیل منصوبوں کےلئےفنڈزترجیحی بنیاد وں پرجاری کرنےحکم دیتے ہوئے کہا فنڈزکےدرست استعمال کیلئےماہانہ مانیٹرنگ رپورٹ طلب کی جائےگی، پی ایس ڈی پی کےتحت خوشاب،میانوالی سرگودھاروڈتعمیرکیاجائےگا۔

ان کا کہنا تھا کہ کوٹلی ستیاں ٹورازم ہائی وےبنائی جائےگی، گوجرانوالہ انڈسٹریل اسٹیٹ کو موٹروے سے منسلک کیاجائےگا، جنوبی پنجاب شہروں میں نکاسی آب کےلئے10منصوبےلائےجائیں گے ۔عثمان بزدار نے بجٹ میں سوشل سیکٹرکیلئےزیادہ فنڈزمختص کرنےکی ہدایت کرتے ہوئے کہا تعلیم، صحت اور فراہمی ونکاسی آب کے لئے بجٹ بڑھایا جائے، سرکاری ملازمین کے لئے تنخواہوں میں اضافہ کرکے اچھی خبردیں گے۔

دبئی ( اے ایف بی) متحدہ عرب امارات نے طویل مدتی ویزا سکیم کے تحت گولڈن ویزا کارڈ جاری کرنے کا فیصلہ کیا تھا جس کے تحت ویزہ ہولڈر کے پاس 10سال کا رہائشی پرمٹ ہوگا ، اگر آپ بھی 5یا 10سال کے اس گولڈن ویزے کے حصول کے خواہاں ہیں تو مندرجہ ذیل معلومات آپ ہی کے لیے ہیں۔ گولڈن ویزے کے حصول کا طریقہ انتہائی آسان ہے، اس کے لیے آن لائن درخواست بھی دی جا سکتی ہے، اس مقصد کے لیے آپ کو ویب سائٹ business.goldenvisa.aeپر ایک اکاﺅنٹ بنانا ہو گا، یہاں آپ اپنا ای میل ایڈریس دیں گے اور پاس ورڈ لگائیں گے، اس ای میل ایڈریس پر آپ کو ویری فکیشن کوڈ بھیجا جائے گا، جس کے ذریعے آپ اپنے اکاﺅنٹ کو ’ویری فائی‘ کریں گے اور اس کے بعد آن لائن فارم پُر کرنے کا مرحلہ شروع ہو جائے گا۔

اس آن لائن فارم میں آپ کو اپنی ذاتی معلومات مہیا کرنی ہوں گی اور ضروری دستاویزات اپ لوڈ کرنی ہوں گی، درخواست جمع کرانے کے بعد 30دن کے اندر آپ کو حتمی جواب سے آگاہ کیا جائے گا۔ رپورٹ کے مطابق دنیا بھر سے مختلف شعبوں میں پیشہ وارانہ قابلیت کے حامل افراداور طالب علم اس ویزے کے لیے درخواست دے سکتے ہیں۔ گولڈن ویزے کی اہلیت سے متعلق تمام شرائط مذکورہ ویب سائٹ پر بیان کی گئی ہیں، جو سرمایہ کارایک کروڑ درہم کی سرمایہ کاری کریں گے انہیں 10سال کے لیے گولڈن ویزا دیا جائے گا جبکہ مختلف شعبوں میں خصوصی مہارت رکھنے والوں کو پانچ سالہ ویزا ملے گا۔

درخواست دینے کے بعد آپ مجاز حکام سے ای میل ایڈریس visa@area2071.aeپر رابطہ کر سکتے ہیں۔ ویزے سے متعلق معاملات کے لیے فیڈرل اتھارٹی برائے شناخت و شہریت سے رابطے کے لیے contactus@ica.gov.aeپر ای میل کریں، اس کے علاوہ آپ فون نمبر97124955555+پر بھی رابطہ کر سکتے ہیں۔

اسلام آباد( اے ایف بی) این سی او سی کے سربراہ اسد عمر کا کہنا ہے کہ پاکستان میں فائزر ویکسین کی تعداد محدود آئی ہے، فائزر ویکسین حج پر جانیوالے اور ورک ویزہ ہولڈر اور بیرون ملک تعلیم کیلئے جانیوالے طلبا کو لگے گی۔تفصیلات کے مطابق وفاقی وزیر اور این سی او سی کے سربراہ اسد عمر نے میڈیا سے گفتگو کرتے ہوئے کہا ہے کہ ہماری پوری کوشش ہے کہ تیزی سے ویکسین کا عمل مکمل ہو، کوروناکی وجہ سے مالز کا کاروبار بھی متاثر ہوا ہے ، ہم چاہتے ہیں کاروبار پورا ہفتے کھلیں مگر بغیرویکسین یہ ممکن نہیں۔

اسد عمر کا کہنا تھا کہ لوگوں کو ڈاکٹرز کی ہدایت کے مطابق ویکسین لگوانی چاہیے ، اسلام آبادویکسین لگوانے کی تعداد میں سرفہرست ہے ، قومی اہمیت کا کام شروع کرنے پر اسلام آبادچیمبر مبارکبادکامستحق ہے۔این سی او سی کے سربراہ نے کہا کہ ملک بھر میں 1700ویکسی نیشن سینٹر کام کررہےہیں، ویکسی نیشن کے بغیر بندشیں ختم کرنا ممکن نہیں ہے، ملک کے بڑے فلاحی اداروں کو بھی شراکت دار بنانا ہے۔ ملک میں کورونا ویکسین کی رجسٹریشن میں اضافہ ہوا ہے، پسند کی ویکسین کا مسئلہ صرف پاکستان نہیں ہر جگہ ہے، دنیا میں سب سے زیادہ کورونا ویکسین چین سے ایکسپورٹ ہورہی ہے

۔فائزر ویکسین کے حوالے سے وفاقی وزیر نے بتایا کہ پاکستان میں فائزر ویکسین کی تعداد اس وقت محدود آئی ہے، فائزر ویکسین حج پر جانیوالے اور ورک ویزہ ہولڈر کو لگے گی، فائزر ویکسین بیرون ملک تعلیم کیلئےجانیوالے طلبا کو بھی لگے گی۔کورونا صورتحال سے متعلق اسد عمر کا مزید کہنا تھا کہ بھارت میں منفی 7فیصدگروتھ ہوئی ہے، ہمارے ہاں وبا کے پھیلاؤمیں کنٹرول رکھا گیا ہے ، 14ماہ بعد کسی مال میں آیا توعجیب لگ رہا تھا ، پاک ویک ویکسین بھی عوام کو سپلائی ہوناشروع ہورہی ہے۔

اسلام آباد ( اے ایف بی)حکومت نے 10 ویں اور بارہویں کے امتحانات 10 جولائی کے بعد لینے کا فیصلہ کیا ہے۔وفاقی وزیر تعلیم شفقت محمود کی زیر صدارت بین الصوبائی وزرائے تعلیم کانفرنس کا اجلاس ہوا، جس میں چاروں صوبوں کے وزارئے تعلیم نے ویڈیو لنک کے ذریعے شرکت کی۔بین الصوبائی وزرائے تعلیم کانفرنس کے بعد پریس کانفرنس کرتے ہوئے وزیرتعلیم شفقت محمود کا کہنا تھا کہ چاروں صوبوں کے وزرائے تعلیم کے باہم مشورے سے فیصلے کئے گئے، گزشتہ سال ہم نے کچھ بچے امتحانات کے بغیر پاس کیے، فیصلہ ہوا ہے کہ امتحانات دیئے بغیر کسی کو کوئی گریڈ نہیں ملے گا، امتحانات ہر صورت ہوں گے۔

وزیر تعلیم شفقت محمود کا کہنا تھا کہ تعلیمی اداروں کو کھولنے یا بند کرنے کے فیصلے آسان نہیں ہوتا، ہمیں بھی ان مشکل حالات میں مشکل فیصلے کرنے پڑے، کورونا وبا اور لاک ڈاؤن کے دوران اسکول بند ہونے اور کھلنے کا سلسلہ جاری رہا، جس کی وجہ سے بچوں نے یکسوئی کے ساتھ تعلیم پر توجہ نہیں دی، اور ان کی تعلیم متاثر ہوئی، اس لئے تمام صوبوں کی مشاورت کے بعد فیصلہ کیا ہے کہ نویں اور دسویں کے طلبا لازمی مضامین اور ریاضی کے پیپر دیں گے، اور باقی مضامین کے امتحانات نہیں ہوں گے، جب کہ گیارہویں اور بارہویں کے بھی امتحانات لازمی مضامین میں لئے جائیں گے۔وزیرتعلیم نے کہا کہ پہلے ہم نے فیصلہ کیا تھا کہ 10 جولائی کے بعد امتحانات لئے جائیں لیکن اب فیصلہ ہوا ہے کہ 10 جولائی کے بعد امتحانات ہوں گے، 10 جولائی کے بعد دسویں اور بارہویں کے امتحانات ہوں گے اور ان امتحانات کے بعد دیگر امتحانات ہوں گے۔

اسلام آباد(اے ایف بی) نیپرا نے بجلی کی قیمت میں 43 پیسے فی یونٹ کمی کی منظوری دے دی ہے۔ بجلی صارفین کے لیے اچھی خبر ہے کہ بجلی کی قیمت میں 43 پیسے فی یونٹ کمی کی منظوری دے دی ہے، سی پی پی اے نے 86 پیسے فی یونٹ کمی کی درخواست کی تھی، تاہم سابقہ بقایاجات کلیئر کرنے کے باعث صارفین کو مزید43 پیسے ریلیف نہ مل سکا۔نیپرا میں ماہانہ فیول ایڈجسٹمنٹ پر سماعت چیئرمین نیپرا توصیف ایچ فاروقی کی زیر صدارت ہوئی، سی پی پی اے نے بجلی 84 پیسے فی یونٹ سستی کرنے کی درخواست کر رکھی تھی، کمی کی درخواست اپریل کی فیول ایڈجسٹمنٹ کی مد میں کی گئی۔سی پی پی اے کا کہنا تھا کہ اپریل میں پانی سے 24.55 فیصد بجلی پیدا کی گئی، ایل این جی سے 24.54 فیصد بجلی پیدا کی گئی، اپریل میں کوئلہ سے 23.28 فیصد بجلی پیدا کی، گئی، گیس سے 12.19 فیصد بجلی پیدا کی گئی۔

چیئرمین نیپرا کا کہنا تھا کہ اپریل کی فیول پرائس ایڈجسٹمنٹ کے تحت فی یونٹ بجلی 43 پیسے سستی ہو گی، اپریل کی فیول پرائس ایڈجسٹمنٹ کے تحت فی یونٹ بجلی 87پیسے فی یونٹ سے زیادہ سستی ہونی تھی، نیپرا نے 43 پیسے فی یونٹ سے بقایا جات کی مد میں ایڈجسٹ کرنے کی اجازت دے دی ہے، بجلی سستی ہونے سےصارفین کو 4 ارب 40 کروڑروپے سے زائد کا فائدہ ہو گا۔لوڈشیڈنگ کے حوالے سے چیئرمین نیپرا کا کہنا تھا کہ جس فیڈر پر نقصانات زیادہ ہیں وہاں لوڈشیڈنگ کرتے ہیں، ہم نے لکھا ہے کہ لوڈشیڈنگ نہ کریں مگر حکومت کو ایسا کرنا پڑتی ہے، گردشی قرضہ پر وزارت سے مل کر ماہانہ رپورٹنگ کا نظام تیارکرلیاہے، گردشی قرضہ کے بارے میں ماہانہ رپورٹ تیار کی جارہی ہے۔

پشاور(اے ایف بی) خیبر پختونخوا اسمبلی میں جمعہ کی سرکاری چھٹی بحال کرنے، صحابہ کرامؓ اوراہل بیتؓ کی توہین روکنے اور شان صحابہ ؓو اہل بیتؓ میں گستاخی پر سزا موت یا عمر قید کی سزادینے سمیت متعدد قراردادوں کی منظوری دیدی ہے۔خیبر پختونخوا اسمبلی میں حکومت اور اپوزیشن نے یک زباں ہوکر موجودہ اور سابقہ ممبران پارلیمان کی طرز پر اپنے لیے تاحیات مراعات اور بلیو پاسپورٹ کے اجرا کا مطالبہ کرتے ہوئے جمعہ کی سرکاری چھٹی بحال کرنے ،صحابہ کرامؓ اوراہل بیتؓ کی توہین روکنے اور شان صحابہ ؓو اہل بیتؓ میں گستاخی پر سزا موت یا عمر قید کی سزادینے اور سرائیکی زبان کو پارلیمانی زبان کا درجہ دینے سمیت متعدد قراردادوں کی منظوری دیدی ہے۔

گزشتہ روز صوبائی اسمبلی اجلاس میں جماعت اسلامی کی رکن حمیرا خاتون اور سراج الدین نے مشترکہ قرارداد پیش کرتے ہوئے کہا کہ پاکستان اسلام کے نام پر معرض وجود میں آیا ہے اور اسلامی تعلیمات کی رو سے جمعتہ المبارک کی بڑی اہمیت ہے اس دن کو دوسرے ایام کا سردار کہا گیا ہے، قرآن پاک میں بھی جمعہ کے دن ظہر کی اذان کے ساتھ ہی کاروبار بند کرکے نماز کے لئے مسجد جانے کا حکم دیا گیا ہے۔

اسلام آباد(اے ایف بی) بین الاقوامی اسلامک یونیورسٹی اسلام آباد نے اس بار امتحانات آن لائن لینے کا فیصلہ کرلیا اور کہا بی ایس، ایم ایس اور ماسٹرز کے امتحانات آن ہوں گے۔تفصیلات کے مطابق بین الاقوامی اسلامک یونیورسٹی اسلام آباد نے امتحانات سے متعلق اہم فیصلہ کرتے ہوئے کہا اس بارامتحانات آن لائن لئےجائیں گے، اس حوالے سے باقاعدہ نوٹیفیکیشن جاری کر دیا گیا ہے۔

نوٹیفیکیشن میں کہا گیا ہے کہ بی ایس، ایم ایس اورماسٹرزکےامتحانات آن ہوں گے تاہم کورس اورلیب ورک کیلئے طلبہ کو یونیورسٹی آنا ہوگا۔یاد رہے دو روز قبل اسلام آباد میں آن لائن امتحانات کے لیے احتجاج کرنے والے درجنوں طلبہ کو گرفتار اور بے شمار موٹر سائیکلز کو پولیس نے اپنی تحویل میں لے لیا تھا۔

طلبہ کے احتجاج کی وجہ سے ایکسپریس وے اور دیگر سڑکوں پر ٹریفک جام ہو گیا اور مسافروں کو سخت مشکل کا سامنا کرنا پڑا تھا ، احتجاج کرنے والے طلبا نے حکومت، وفاقی وزیر تعلیم اور محکمہ تعلیم کے خلاف نعرے بازی کی اور مطالبہ کیا کہ سالانہ امتحانات آن لائن لیے جائیں۔