Month: June 2021

لاہور(اے ایف بی ) سکول ایجوکیشن ڈیپارٹمنٹ نے چھٹیوں کا باقاعدہ نوٹی فیکیشن جاری کردیا۔سکول ایجوکیشن ڈیپارٹمنٹ کی جانب سے جاری نوٹی فیکیشن کے مطابق چھٹیوں کاسلسلہ یکم جولائی سے یکم اگست تک جاری رہے گا.یاد رہے کہ گزشتہ روز صوبائی وزیرتعلیم ڈاکٹر مراد راس نے ٹوئٹر پر اپنے پیغام میں اسکولوں میں گرمی کی چھٹیوں کا اعلان کیا تھا

، انہوں نے بتایا کہ پنجاب بھر کے تمام اسکولزگرمی کی چھٹیوں کے سلسلے میں یکم جولائی سے یکم اگست تک بند ہونگے۔وزیر تعلیم نے ہدایت کی کہ تمام بچے چھٹیوں کے دوران کورونا ایس او پیز کا خیال رکھیں۔سرونگ سکولز ایسوسی ایشن پاکستان کا گرمیوں کی چھٹیاں دینے کے فیصلے کی شدید مذمت ، نظر ثانی کی اپیل کر دی ۔سرونگ سکولز ایسوسی ایشن پاکستان کے صدر میاں رضاء کا کہنا ہے کہ بچوں کا تعلیمی نقصان پہلے ہی ناقابل تلافی تھا اور گرمیوں کی چھٹیاں دے دی گئی ہیں جس کی سخت مذمت کرتے ہیں۔

مظفرآباد (اے ایف بی ) پاکستان مسلم لیگ ن کی حکومت نے اپنی مدت کے آخری آئندہ مالی سال 2021-22کے لیے) تخمینہ میزانیہ( 1کھرب41ارب 40کروڑ روپے کے حجم کا عوام دوست تاریخی ٹیکس فری بجٹ اور 1کھرب 32ارب50کروڑ کا نظر ثانی میزانیہ2020-21 منگل کے روز آزادجموں وکشمیرقانون ساز اسمبلی کے سپیکر شاہ غلام قادر کی زیر اجلاس میں منظوری کے لیے پیش کر دیا۔ آئندہ مالی سال کے بجٹ میں 1کھرب 13ارب 40کروڑ روپے غیر ترقیاتی اخراجات جبکہ 28ارب روپے ترقیاتی اخراجات کے لیے مختص کرنے کی تجویزہے۔ ترقیاتی بجٹ میں گزشتہ مالی سال کے مقابلے میں % 14 اضافہ کیا گیا ہے۔ملازمین کی تنخواہوں اور پنشن میں 10%اضافہ تجویز کیا گیاجبکہ بجٹ میں 25%عدم تفاوت الاؤنس(Disparity Reduction Allowance) تجویز کیا گیا ہے۔

اس طرح ترقیاتی بجٹ میں صحت عامہ کے لیے 1ارب75کروڑ،تعلیم کیلئے 3ارب 20کروڑ،مواصلات کے لیے 10ارب، فزیکل پلاننگ وہاؤسنگ کیلئے 4ارب 80کروڑ مختص کرنے کی تجویز ہے۔ وزیر خزانہ ڈاکٹر نجیب نقی خان نے مالی سال 2021-22کا بجٹ آزادجموں وکشمیر قانون ساز اسمبلی میں پیش کرتے ہوئے بتا یا کہ آئندہ مالی سال میں اخراجات کا کل تخمینہ 1کھرب 13ارب 40کروڑ لگایا گیا ہے جس میں جنرل ایڈمنسٹریشن کے لیے5ارب 30کروڑ 65لاکھ50ہزار،بورڈ آف ریونیو 1ارب 9کروڑ 20لاکھ، سٹیمپس 3کروڑ 45لاکھ،لینڈ ریکارڈ اینڈ سٹیلمنٹ 3کروڑ 70لاکھ،ریلیف و بحالیات 1ارب 7کروڑ 40لاکھ روپے، پنشن 23ارب، تعلقات عامہ 18کروڑ 74لاکھ، عدلیہ 2ارب 9کروڑ 20لاکھ،(ہوم)داخلہ 7ارب 27کروڑ 80لاکھ،جیل خانہ جات 22کروڑ 86لاکھ، شہری دفاع26کروڑ، آرمڈ سروسز بورڈ 9کروڑ 5لاکھ، کمیونیکیشن اینڈ ورکس 4ارب 17کروڑ 50لاکھ، تعلیم 33ارب 47کروڑ، صحت عامہ 11ارب 51کروڑ، سپورٹس یوتھ کلچر اینڈ ٹرانسپورٹ 11کروڑ 44لاکھ، مذہبی امور19کروڑ 75لاکھ، سماجی بہبود و ترقی نسواں 59کروڑ 8لاکھ، زراعت 86کروڑ 68لاکھ، امور حیوانات 79کروڑ 56لاکھ، خوراک 28کروڑ 57لاکھ، ریاستی تجارت 2ارب 80کروڑ 59لاکھ 50ہزار، جنگلات 1ارب 30کروڑ 80لاکھ، کوآپریٹو 3کروڑ 40لاکھ،برقیات 8ارب 99کروڑ 86لاکھ، لوکل گورنمنٹ و دیہی ترقی 66کروڑ 53لاکھ، انڈسٹریز، لیبرمعدنی وسائل 40کروڑ 72لاکھ، پرنٹنگ پریس 8کروڑ 16لاکھ، ابریشم 11کروڑ 5لاکھ، سیاحت، جنگلی حیات، فشریز 20کروڑ 45لاکھ، متفرق 4ارب 20کروڑ 80لاکھ، Capital Expenditure 1ارب89کروڑ شامل ہیں۔ آئندہ مالی سال 2021-22کیلئے آمدن کا تخمینہ اس طرح سے لگایا گیا ہے ٹیکس ریونیو 31ارب 50کروڑ، لا اینڈ آرڈر 10کروڑ، لینڈ ریکارڈ اینڈ سیٹلمنٹ 10کروڑ، سٹمپس35کروڑ،اے جے کے ٹرانسپورٹ اٹھارٹی 5کروڑ80لاکھ، برقیات 18ارب 50کروڑ، متفرق72کروڑ 20لاکھ، انڈسٹریز 4کروڑ، داخلہ (پولیس) 16کروڑ، جیل خانہ جات 8لاکھ، مواصلات 46کروڑ، تعلیم 19کروڑ، صحت عامہ 15کروڑ، مذہبی امور 5کروڑ 20لاکھ، سوشل ویلفیئر 2لاکھ، خوراک 41کروڑ، زراعت 1کروڑ، جنگلی حیات فشریز 4کروڑ، امور حیوانات 3کروڑ 50لاکھ، جنگلات 60کروڑ،لیبر 40لاکھ، ابریشم 40لاکھ، سرکاری پرنٹنگ پریس 6کروڑ، آرمڈ سروسز بورڈ 3کروڑ 40لاکھ، گرانٹس 59ارب 50کروڑ، واٹر یوز ج چارجز70کروڑ، منرلز 1کروڑ 80لاکھ، سیاحت 2کروڑ، لون اینڈ ایڈوانسر 60کروڑ، ایڈجسٹمنٹ آف اوور ڈرافٹ 1ارب، 1کروڑ 80لاکھ۔ترقیاتی بجٹ جن شعبوں کے لئے مختص کرنے کی تجویز ہے

۔ زراعت، لائیو سٹاک 50کروڑ، شہری دفاع 10کروڑ، ڈویلپمنٹ اتھارٹیز 27کروڑ، تعلیم 3ارب 20کروڑ، ماحولیات 7کروڑ، بیرونی امداد سے چلنے والے منصوبے 72کروڑ، فارسٹری واٹر شیڈ44کروڑ 50لاکھ، فشریز وائلڈلائف 5کروڑ 50لاکھ، صحت عامہ 1ارب 75کروڑ، انڈسٹریز منرلز 60کروڑ، ٹرانسپورٹ 2کروڑ، انفارمیشن اینڈ میڈیا ڈویلپمنٹ 4کروڑ، انفارمیشن ٹیکنالوجی 33کروڑ، لوکل گورنمنٹ و دیہی ترقی 1ارب 70کروڑ، فزیکل پلاننگ اینڈ ہاؤسنگ 4ارب 80کروڑ، برقیات 2ارب، ریسرچ اینڈ ڈویلپمنٹ 35کروڑ، لینڈ ریونیو بحالیات 20کروڑ، سماجی بہبود و ترقی نسواں 20کروڑ، سپورٹس یوتھ اینڈ کلچر 25کروڑ، سیاحت 40کروڑ، کمیونیکیشن اینڈ ورکس 10ارب روپے کرنے کی تجویز ہے۔

اسلام آباد(اے ایف بی ) لاہور دھماکے میں افغان انٹیلی جنس ایجنسی این ڈی ایس اور بھارتی خفیہ ایجنسی را کے ملوث ہونے کا انکشاف ہوا ہے جس سے دونوں ممالک کی خفیہ ایجنسیوں کا گٹھ جوڑ بے نقاب ہوگیا۔ذرائع کے مطابق لاہور دھماکے میں بھارت اور افغانستان کی خفیہ ایجنسیوں را اور این ڈی ایس کے ملوث ہونے کا انکشاف ہوا ہے۔ ملکی خفیہ ایجنسیوں نے ایک بار پھر مذموم عزائم کا سراغ لگا لیا جس سے بھارت کے مذموم عزائم کھل کر سامنے آگئے۔

ایک بار پھر ثابت ہوگیا کہ را اور این ڈی ایس کے ذریعے پاکستان میں دہشت گرد کارروائیاں کر کے ملک میں قائم امن اور آشتی کو خراب کرنے کی کوشش کی جارہی ہے۔ پاکستا ن ایک عرصے سے اس حوالے سے پاکستان کی انٹیلی جنس ایجنسیز نے اس حوالے سے بار ہا ثبوت دُنیا کے سامنے رکھے ہیں جب کہ ڈی جی آئی ایس پی آر میجر جنرل بابر افتخار اور وزیر خارجہ شاہ محمود قریشی، این ڈی ایس اور را کے گٹھ جوڑ کو پہلے ہی ڈوزئیر کی شکل میں دُنیا کے سامنے بے نقاب کر چکے ہیں۔عالمی قوتوں کے سامنے سوالات اُٹھاتا رہا ہے۔

بلوچستان، قبائلی اضلاع اور لائن آف کنٹرول پر مسلسل ناکامی کے بعد را اوراین ڈی ایس کی بے چینی میں مزید اضافہ ہوا ہے، پاکستان میں امن اور ترقی دُشمن کی آنکھوں میں کھٹکنے لگی ہے اور اسی لیے سلیپر ز سیل کے ذریعے دہشت گردی کی کارروائیوں کی ناکام کوشش کی گئی۔دشمن بھول گیا کہ پاکستان کی سیکیورٹی مضبوط ہاتھوں میں ہے۔ پاک سرزمین کی انٹیلی جنس ایجنسیز اس حوالے سے مکمل چوکنا اور دُشمن انٹیلی جنس ایجنسیز کے منصوبوں کو ناکام بنانے کے لئے دن رات مصروف عمل ہیں۔ دشمن کے منصوبے کسی صورت کامیاب نہیں ہوں گے۔اس تمام صورت حال میں یہ سوال بھی اُٹھتا ہے کہ ٹھوس شواہد کے باوجود کیا بین الاقوامی ادارے اب ہندوستان کو کٹہرے میں لائیں گے یا اب بھی پاکستان کو ہی مورد الزام ٹھہرایا جاتا رہے گا؟

اسلام آباد (اے ایف بی ) اٹلی سفارتخانہ سے ایک ہزار شنجن ویزا اسٹکر چوری ہوگئے۔ذرائع کے مطابق ڈپلومیٹک انکلیو میں اٹلی کے سفارتخانہ سے ایک ہزار شنجن ویزا اسٹکر چوری ہوگئے، یہ اسٹیکرز سفارتخانہ کے لاکر سے چوری ہوئے، واردات کا انکشاف جون کے دوسرے ہفتے میں ہوا جب کہ چوری ہونے والے 750 شینجن ویزا اسٹکرز سیریل نمبرز ITA041913251 تا ITA041914000 ہیں جب کہ 250 ویزا اسٹکرز کا سیریل نمبر ITA041915751 تا ITA041916000 بتایا گیا ہے۔

ذرائع کا کہنا ہے کہ وزارت خارجہ نے ایف آئی اے اور وزارت داخلہ کو تحقیقات کے لیے خط لکھ دیا ہے، فارن آفس کے مراسلے کے بعد ایف آئی اے کو تحقیقات کے لیے ضروری احکامات جاری کردیے گئے ہیں جب کہ جب کہ اطالوی سفارتخانہ معاملے کی خود بھی تحقیقات کر رہا ہے۔ذرائع کے مطابق چوری ہونے والے ویزا اسٹیکرز کی ٹریکنگ کے لیے تمام انٹری و ایگزٹ پوائنٹس پر نگرانی کی جائے، جیسے ہی چوری شدہ ویزا اسٹیکرز استعمال ہوں یا تحویل میں لیے جائیں گے تو فارن آفس و ایمبیسی کو بھی آگاہ کردیا جائے گا۔

لاہور(اےا یف بی) نوازشریف نے شہباز شریف کو ہدایت دی ہے کہ کشمیر الیکشن میں مریم نواز مسلم لیگ ن کے امیدواروں کی انتخابی مہم چلائیں۔ پاکستان مسلم لیگ ن کے صدر شہباز شریف اور پارٹی قائد نواز شریف میں ٹیلی فونک رابطہ ہوا، جس میں آزادکشمیر کے آئندہ عام انتخابات کے حوالے سے مشاورت کی گئی، اور نواز شریف نے شہباز شریف کو کشمیر الیکشن پر فوکس کرنے کی ہدایت کردی۔

پارٹی ذرائع کے مطابق دونوں رہنماؤں نے کشمیر الیکشن کی مہم مریم نواز کو سوپنے پر اتفاق کیا، اور پارٹی قائد نوازشریف نے ہدایت کی کہ کشمیر الیکشن میں شہباز شریف اور مریم نواز مسلم لیگ ن کے امیدواروں کی انتخابی مہم چلائیں، اور دونوں الگ الگ عوامی اجتماعات سے خطاب کریں۔نوازشریف نے کہا کہ حکومت کے خلاف اپوزیشن اتحاد کو بھی مضبوط کیا جائے اور عوامی اجتماعات میں حکومت کی کشمیر پالیسی اور بڑھتی ہوئی مہنگائی کو ہدف تنقید بنائیں، اور عوام کو بتایا جائے کہ حکومت نے بجٹ سے پٹرول سمیت دیگر بنیادی ضروریات کی چیزوں کی قیمتوں میں اضافہ کر کے عوام دشمنی کا ثبوت دیا۔

مظفر آ باد (اے ایف بی ) آزاد کشمیر ہائی کورٹ نے الیکشن کمیشن کی جانب سے تقرریوں اور تبادلوں پر عائد پابندی ختم کرنے کا حکم دے دیا ۔ آزاد جموں و کشمیر کے الیکشن کمیشن نے انتخابی ضابطہ اخلاق کے تحت سرکاری ملازمین کی تقرریوں اور تبادلوں پر پابندی عائد کی تھی، بلدیاتی و ترقیاتی اداروں میں تعینات سیاسی شخصیات کو فارغ کرنے کی ہدایات جاری کی گئی تھیں ۔ الیکشن کمیشن کی ہدایت پر آزاد کشمیر حکومت نے ایسے تمام افراد کو فارغ کر دیا تھا ۔

الیکشن کمیشن کے فیصلے کوآزاد کشمیر ہائیکورٹ میں چیلنج کیا گیا تھا اور کمیشن کے فیصلے کو کالعدم قرار دینے کے لیے عدالت میں درخواست دائر کی گئی تھی ۔ ابآزاد کشمیر ہائیکورٹ نے الیکشن کمیشن کی جانب سے تقرریوں اور تبادلوں پر عائد پابندی ختم کرتے ہوئے کہا ہے کہ تقرریوں اور تبادلوں پر پابندی اختیارات سے تجاوز اور حکومتی اختیار میں مداخلت ہے ۔ دوسری جانب الیکشن کمیشن نے ہائیکورٹ کے فیصلے کے خلاف سپریم کورٹ سے رجوع کرنے کے لیے مشاورت شروع کر دی ہے ۔

مظفرگڑھ (اے ایف بی) تحفظ والدین آرڈیننس کے تحت والدین پرتشدد ، گھر سے نکالنے والے بیٹے کو ایک ماہ کے لیے جیل بھیجتے ہوئے 50ہزارروپےجرمانہ عائد کردیا۔تفصیلات کے مطابق پنجاب کے ضلع مظفرگڑھ میں تحفظ والدین آرڈیننس کے تحت پہلی سزا سناتے ہوئے والدین پرتشدد اور گھر سے نکالنے والے بیٹے کو ایک ماہ کے لیے جیل بھیج دیا گیا۔

ڈپٹی کمشنر امجدشعیب ترین نے کہا کہ نافرمان بیٹےمختیارحسین پر50ہزارروپےجرمانہ عائد کردیا ہے جبکہ بیٹے سے اس کے والدین کا گھر3روزمیں خالی کروایا جائے گا۔امجدشعیب ترین کا کہنا تھا کہ محمد اقبال اورغلام فاطمہ نےظلم کیخلاف درخواست دی تھی ، گھر سےنکالےجانےکےبعد ملزم کی والدہ گھروں میں کام کرکے گزارہ کرتی تھی جبکہ قوت سماعت سے محروم والد رات مجبوراً قبرستان میں بسر کرتا تھا۔ڈپٹی کمشنر نے کہا فریقین کومفاہمت کےلیے4مواقع بھی فراہم کیےگئے، جرمانے کی عدم ادائیگی پربیٹےکومزید ایک ماہ جیل کی قیدکاٹناہوگی

لاہور(اے ایف بی)وزیر تعلیم ڈاکٹر مراد راس نے کہا ہے کہ بچوں کو دس سال کی عمر میں نقل سیکھائی جا رہی تھی،جس کی وجہ سے ہم نے پانچویں کے بورڈ کے ایگزائم کو ختم کیا ہے۔ آگے ہم آٹھویں کے بورڈ کے ایگزائم کو ختم کرنے جا رہے ہیں۔پنجاب اسمبلی میں صوبائی وزیر تعلیم ڈاکٹر مراد راس نے ایجوکیشن کی کٹ موشن پر ایوان میں اظہار خیال کرتے ہوئے کہا کہ دس سال ن لیگ کی حکومت رہی انہیں کے کاموں کے بارے میں بتاؤں گا۔ اپنے بچوں کے بارے میں صفر اور باہر کی دنیا کے لوگوں کو اپروچ کیا گیا۔ آنکھ بند کرکے تعلیمی اداروں کو بیرون ممالک کے افراد کے سپرد کر دیا۔

مراد راس نے بتایا کہ پیف پروگرام کو ہماری حکومت نے 19 ارب روپے دے دئیے ہیں۔ہم نے 26 لاکھ بچوں کو بے فارم کے ذریعے نشاندی دہی کی ہے، قبل ازیں پیف کے ذریعے جعلی سٹوڈنٹس کو بھرتی کیا گیا،پیف کے ذریعے جو مافیا تھا اسے تکلیف ہو رہی ہے۔مراد راس نے بتایا کہ ہم نے تعلیم گھر کھولا ایک لاکھ بیس یزار ٹیچرز رجسٹرڈ کیے, 1200 پہلے سکول اپ گریڈیشن کیے سات ہزار مزید سکول اپ گریڈیشن کرنے جا رہے ہیں۔

ایلمنٹری سکولز میں شام کے اوقات میں کلاسز کا آغاز کرنے جا رہے ہیں۔سات لاکھ 34 ہزار بچے بے فارم کے ساتھ سکولز میں واپس لے آئیں ہیں۔پانچویں کے ایگزایم میں بچوں کو ٹیچرز چیٹنگ کروا رہے تھے، بچوں کو دس سال کی عمر میں نقل سیکھائی جا رہی تھی جس کی وجہ سے ہم نے پانچویں کے بورڈ کے ایگزائم کو ختم کیا ہے۔آگے ہم آٹھویں کے بورڈ کے ایگزائم کو ختم کرنے جا رہے ہیں۔

اپوزیشن نے کے دور میں سکول ایجوکیشن میں ویڈیو کال کا نظام نہیں تھا، ایک ٹیچرز کے ٹرانسفر کیلئے ڈیرھ لاکھ تک رشوت لی جاتی تھی ۔ ای ٹرانسفر کے ذریعے ہم نے ٹیچرز کے ٹرانسفر کو آسان بنایا، زیرو پیسے سے ای ٹرانسفر ایپ تیار کی ہے۔آج ٹیچر گھر بیٹھ کر اپنے. ٹرانسفر،ر یٹائر منٹ،اے سی آر کیلئے آن لائن اپلائی کر سکتا ہے۔ جس پر سپیکر پنجاب اسمبلی چوہدری پرویز الہی نے تعریف کرتے ہوئے کہا کہ پوسٹنگ ٹرانسفر کیلئے آپ نے اچھا سسٹم بنایا ہے۔

مراد راس نے مزید بتایا کہ گزشتہ دس سالوں میں اپوزیشن نے کیوں کام نہیں کیا، ہم نے 2000 سکولز میں کلاس روم بنائے ہیں۔400 سو ای لائبرییز ہم نے بنائی ہیں۔پانچ سال بعد جب ہم چھوڑ کر جائیں گئے سارا سسٹم موبائل فونز پر ہوگا۔ن لیگ والے چاہتے ہیں عوام کو جاہل رہے آگے نہ بڑھیں اور انہیں ووٹ ڈالتے رہیں

قندوز(اے ایف بی ) افغانستان میں طالبان نے تاجکستان کے ساتھ لگنے والی مرکزی سرحدی گزرگاہ پر قبضہ کرلیا۔الجزیرہ کے مطابق طالبان نے شیر خان بندر کراسنگ پر قبضہ کرنے کے لیے ایک بڑا حملہ کیا جس کے نتیجے میں سیکیورٹی فورسز کے اہلکار پسپا ہوگئے اور اپنی چوکیاں چھوڑ کر فرار ہوگئے جس کے بعد طالبان نے بارڈر کراسنگ پر قبضہ کرلیا۔شیر خان بندر کا شمار ملک کی اہم گزرگاہوں میں ہوتا ہے اور طالبان کی یکم مئی سے شروع ہونے والی نئی کارروائیوں میں یہ ایک بڑی کامیابی ہے، جو ایسے وقت حاصل ہوئی جب امریکا بھی اپنا بوریا بستر لپیٹ کر افغانستان سے حتمی انخلا کی تیاریاں کررہا ہے۔

صوبہ قندوز کی صوبائی کونسل کے رکن خالدین حاکمی نے بتایا کہ بدقسمتی سے ایک گھنٹے کی جنگ کے بعد طالبان شیر خان گزرگاہ، اس قصبے اور تاجکستان کے ساتھ لگنے والی تمام چوکیوں پر قبضہ کرنے میں کامیاب ہوگئے۔ ایک افغان فوجی افسر نے بتایا کہ ہمارے کچھ فوجی جان بچانے کے لیے تاجکستان فرار ہوگئے ہیں۔طالبان کے ترجمان ذبیح اللہ مجاہد نے تصدیق کرتے ہوئے کہا کہ ہمارے مجاہدین نے قندوز میں تاجکستان کے ساتھ تمام سرحدی گزرگاہوں پر قبضہ کرلیا ہے۔

اسلام آباد (اے ایف بی ) پاکستانی ماہرین نے پاک ویک کورونا ویکسین کی دوسری کھیپ کامیابی سے تیار کرلی، ویکسین کی دوسری کھیپ ڈریپ کی اجازت کے بعداستعمال ہوسکے گی۔تفصیلات کے مطابق پاکستان میں تیار کردہ کورونا ویکسین پاک ویک کی دوسری کھیپ کامیابی سے تیار کرلی گئی ، پاک ویک ویکسین کی کھیپ مکمل طورپر پاکستانی ماہرین نے تیار کی۔ذرائع وزارت صحت کا کہنا ہے کہ پاک ویک ویکسین آئندہ چند روزمیں استعمال کیلئے دستیاب ہو گی اور حکومت کوپاک ویک ویکسین کی دوسری کھیپ مرحلہ وارفراہم ہو گی۔

ذرائع کے مطابق پاک ویک کی دوسری کھیپ ڈریپ کی اجازت کے بعداستعمال ہوسکے گی، پاک ویک کوڈریپ کی این سی ایل بی لاٹ ریلیزسرٹیفکیٹ جاری کرےگی اور نیشنل کنٹرول لیب فاربائیولوجیکل پاک ویک ویکسین کی جانچ کرے گی۔وزارت صحت کا کہنا ہے کہ پاک ویک ویکسین کی پہلی کھیپ 1لاکھ 8ہزارڈوزکی تھی اور پہلی کھیپ چینی ٹیم کی زیر نگرانی تیارکی گئی تھی۔

ذرائع نے بتایا ہے کہ پاکستان کوویکسین کیلئےخام مال چینی کمپنی نےفراہم کیاہے، پاک ویک کی تیاری کیلئے 9لاکھ ڈوزکاخام مال موجودہے، ملک میں آئندہ ماہ سےبڑےپیمانے پر پاک ویک کی تیاری کاآغازہو گا۔قومی ادارہ صحت پاک ویک کی یومیہ ایک لاکھ ڈوزتیارکرےگا اور قومی ادارہ صحت میں تیارکردہ پاک ویک سنگل ڈوزکوروناویکسین ہے۔