Month: March 2022

لاہور (اے ایف بی) موسم کا حال بتانے والوں نے آج خیبرپختونخوا، شمالی بلوچستان میں بارش کی پیشگوئی کی ہے، پنجاب کے مختلف علاقوں میں بھی بادل برسنے کا امکان ہے۔محکمہ موسمیات کے مطابق آج پنجاب میں لاہور، گوجرانوالہ، نارووال اور دیگر علاقوں میں بارش کی پیشگوئی ہے، گلگت بلتستان ،اسلام آباد اور کشمیر میں بھی گرج چمک کے ساتھ بارش اور پہاڑوں پر برفباری کا امکان ہے۔مغربی ہواؤں سے بلوچستان میں بارش کا ایک اور سسٹم داخل ہو چکا ہے جس سے صوبائی دارالحکومت کوئٹہ سمیت زیارت، چمن، پشین، ژوب، قلعہ سیف اللہ، قلات اور لورالائی میں وقفے وقفے سے بارش کا سلسلہ جاری ہے، محکمہ موسمیات نے بلوچستان میں بارشوں کا یہ سلسلہ منگل تک جاری رہنے کا امکان ظاہر کیا ہے

لاہور(اے ایف بی)پشاور دھماکے کے بعد آسٹریلوی کرکٹ ٹیم کے کوچ انڈریو مکڈونلڈ کا بیان سامنے آگیا۔برطانوی خبررساں ایجنسی رائٹرز کے مطابق انڈریو مکڈونلڈ کا کہنا ہے کہ’ ٹیم محفوظ ہاتھوں میں ہے، تاہم اگر حالات تبدیل ہوتے ہیں تو ہماری سکیورٹی ٹیم ہماری رہنمائی کرے گی’۔آسٹریلوی کرکٹ ٹیم کے کوچ کا بیان پشاور کے علاقے قصہ خوانی بازار کی جامع مسجد میں نماز جمعہ کے دوران خودکش دھماکے کے نتیجے میں 57 افراد شہید ہونے کے بعد سامنے آیا ہے۔انڈریو مکڈونلڈ نے مزید کہا کہ ہماری ہمدردی واضح طور پر پشاور کے لوگوں کے ساتھ ہے تاہم جب سے ہم پاکستان پہنچے ہیں تب سے تمام کھلاڑی محفوظ ہیں لیکن اگر کچھ حالات تبدیل ہوتے ہیں اور تمام فیصلے ماہرین کی رائے کی بنیاد پر کریں گے۔

لاہور(اے ایف بی)پڑھے لکھے بیروزگار نوجوانوں کیلئے خوشخبری، صوبائی وزیر تعلیم داکٹر مراد راس نے پنجاب میں 15,000 اساتذہ کی بھرتیوں کا اعلان کردیا۔صوبائی وزیرتعلیم نے 3 مارچ کو ایک پریس کانفرنس کے دوران اپنے بیان میں کہا کہ اگرچہ سکولوں میں 50 ہزار سیٹیں موجود ہیں لیکن پہلے فیز میں رواں سال 15 ہزار اساتذہ بھرتی کیے جائیں گے، پی ایس ٹی، ای ایس ٹی اور ایس ایس ٹی اساتذہ کو تعینات کیا جائےگا۔واضح رہے کہ اس سے قبل بھی ڈاکٹر مراد راس نے بھرتیوں کا اعلان کیا تھا مگر مالی مسائل کے باعث ان پر عملدآمد نہیں ہوسکا۔ آخری بار پنجاب میں شہباز شریف کے دور اقتدار 2018 میں آسامیوں کا اعلان کیا گیا تھا۔لوگ تدریسی ملازمتوں کے منتظر ہیں کیونکہ پنجاب میں لاکھوں مرد اور خواتین ماسٹر ڈگری ہولڈر ہیں۔ اساتذہ کی تاخیر سے بھرتیوں کی وجہ سے ان کی عمریں گزر رہی ہیں

لاہور(اے ایف بی)محکمہ موسمیات کے مطابق مری، راولپنڈی، اسلام آباد، جہلم، کھاریاں، گجرات، منڈی بہاؤالدین، گوجرانوالہ، پنڈی بھٹیاں، حافظ آباد، شیخوپورہ، لاہور، نارووال، ڈسکہ، سیالکوٹ، شکرگڑھ سمیت شمالی اور شمال مشرقی پنجاب کے بیشتر علاقوں میں ہلکی سے معتدل بارش کا امکان ہے ۔مظفرآباد، باغ، وادی نیلم، بالاکوٹ، راولاکوٹ، گھڑی دوپٹہ، حویلی، کوٹلی، پونچھ، میرپور، بھمبر، چھمب سمیت آزاد کشمیر کے بیشتر علاقوں میں اچھی بارش اور بلند پہاڑوں پر برفباری کا امکان ہے ۔مغربی ہواؤں کا بارش برسانے والا نیا اور اچھا سلسلہ 6 اور 7 مارچ کے دوران بلوچستان، خیبرپختونخوا، گلگت بلتستان، آزاد کشمیر، بالائی اور مغربی پنجاب کے مختلف علاقوں میں تیز ہواؤں اور گرج چمک کے ساتھ مزید بارش کا سبب بنے گا

راولپنڈی(اےایف بی)آسٹریلیا کے سابق وکٹ کیپر راڈنی مارش 74 برس کی عمر میں آج انتقال کرگئے۔کرکٹ آسٹریلیا نے راڈنی مارش کے انتقال کی تصدیق کرتے ہوئے انہیں خراج تحسین پیش کیا۔کرکٹ آسٹریلیا کے مطابق راڈنی مارش نے 96 ٹیسٹ اور 92 ون ڈے میچز میں آسٹریلیا کی نمائندگی کی۔کرکٹ آسٹریلیا کا کہنا ہےکہ راڈنی مارش کی یاد میں آسٹریلوی ٹیم پنڈی ٹیسٹ میں بازوؤں پرسیاہ پٹی باندھےگی

اسلام آباد(اے ایف بی) ڈی جی وزارت انسانی حقوق نے وفاقی شرعی عدالت میں پیش ہوکر کہا ہے کہ وزارت انسانی حقوق اور ریاست ہم جنس پرستی کی اجازت کا تصور بھی نہیں کر سکتی۔خواجہ سراؤں کی حقوق اور جنس تبدیلی کی اجازت دینے سے متعلق کیس کی شریعت کورٹ میں سماعت ہوئی۔ڈی جی وزارت انسانی حقوق نے وفاقی شرعی عدالت میں پیش ہوکر کہا کہ وزارت کے تحریری جواب سے ہم جنس پرستی کا ملنے والا تاثر غلط ہے، عدالت اجازت دے تو جواب میں ترمیم کرنا چاہتے ہیں، وزارت انسانی حقوق اور ریاست ہم جنس پرستی کی اجازت کا تصور بھی نہیں کر سکتی۔جسٹس سید محمد انور نے ریمارکس دیے کہ وزارت جس یوگیاکاٹا اصول پر انحصار کر رہی ہے وہ ہم جنس پرستی کو فروغ دیتا ہے، مجھے نہیں لگتا کہ وفاقی حکومت ہم جنس پرستی کی حمایت کرے گی، خواجہ سراؤں کے حقوق کے قانون کو ہم جنس پرستی سے کیوں جوڑ رہے ہیں۔جسٹس سید انور نے کہا کہ خواجہ سراؤں کے تحفظ کا قانون بناتے وقت اسلامی نظریاتی کونسل سے مشاورت نہیں کی گئی، خواجہ سرا مظلوم طبقہ ہے انہیں ہم جنس پرستی سے نہ جوڑیں، وزارت انسانی حقوق نے اسلامی نظریاتی کونسل کی رائے لینے کا جھوٹ کیوں بولا؟ وزارت انسانی حقوق کم از کم جواب میں تو سچ بولا کرے، اسلامی نظریاتی کونسل کی تجاویز پر عمل کریں تو مسئلہ پیدا ہی نہ ہو، خواجہ سراؤں کو اسلام سے زیادہ تحفظ کسی مذہب نے نہیں دیا۔عدالت نے وزارت انسانی حقوق سے دو ہفتے میں ترمیم شدہ جواب مانگ لیا۔

لاہور(سپورٹس ڈیسک ) محمد حفیظ نے ریٹائرمنٹ کے بعد نئے اسائمنٹ پر کام شروع کردیا۔ قومی کرکٹ ٹیم کے سابق آل راؤنڈر اور پی ایس ایل سیون کی چیمپئن لاہور قلندرز کی نمائندگی کرنے والے محمد حفیظ ریٹائرمنٹ کے بعد اپنی نجیزندگی کی ذمہ داریاں سنبھال کر خوش دکھائی دے رہے ہیں۔ محمد حفیظ نے ٹوئٹر پر ایک پیغام جاری کیا جس میں انہوں نے ریٹائرمنٹ کے بعد اپنے دوسری اسائمنٹ کے حوالے سے بتایا۔سابق قومی کرکٹر نے کہا کہ ’ ریٹائرمنٹ کے بعد بچوں کو سکول چھوڑنے کا پہلا اسائمنٹ سنبھال لیا گیا ہے ، اور یہ کافی حد تک مجھے پسند بھی آیا ہے‘۔خیال رہے کہ 41 سالہ محمد حفیظ نے نازیہ حفیظ سے 2007ء میں شادی کی تھی، ان کی دو بیٹیاں اور ایک بیٹا ہے ۔ خیال رہے کہ 55 ٹیسٹ، 218 ون ڈے اور 119 ٹی 20 کھیلنے والے آل راؤنڈر محمد حفیظ نے کچھ عرصہ قبل بین الا قوامی کرکٹ سے باقاعدہ طور پر ریٹائرمنٹ کا اعلان کردیا تھا۔

اسلام آباد (اے ایف بی)مہنگائی سے تنگ عوام کیلئے ایک تحفہ، اوگرا نے گیس کی اوسط قیمت میں 16.37فیصد تک اضافےکی منظوری دے دی۔ تفصیلات کے مطابق آئل اینڈ گیس ریگولیٹری اتھارٹی (اوگرا) نے گیس کی اوسط قیمت میں 16.37فیصدتک اضافےکی منظوری دےدی۔اوگرا کے مطابق سوئی ناردرن کے لیے گیس قیمت میں 94روپے فی ایم ایم بی ٹی یو اضافے اور گیس کی اوسط قیمت 670 روپے37 پیسے کرنے کی منظوری دے دی ہے۔اوگرا کا کہنا ہے کہ سوئی سدرن کیلئےگیس کی اوسط قیمت میں 6.32 فیصد اضافے کی جبکہ 50روپے فی ایم ایم بی ٹی یواضافےکی منظوری دی گئی ہے۔اوگرا کے مطابق سوئی سدرن کیلئےگیس کی اوسط قیمت829 روپے48پیسےفی ایم ایم بی ٹی یوکرنےکی منظوری بھی دی ہے۔اوگرا کا کہنا ہے کہ گیس کی اوسط قیمت میں اضافے کا اطلاق یکم جولائی 2021 سے وزارت توانائی سے منظوری کے بعد ہو گا۔واضح رہے کہ گزشتہ دنوں وزیراعظم عمران خان نے پیٹرول اور ڈیزل کی قیمتوں میں دس روپے کمی کا اعلان کیا جبکہ بجلی بھی فی یونٹ پانچ روپے سستی کرنے کا بھی اعلان کیا تھا۔پیر کی شب قوم سے اپنے خطاب میں وزیراعظم عمران خان نے آئندہ بجٹ تک پیٹرول، ڈیزل اور بجلی مزید مہنگی نہ کرنے کا اعلان کیا تھا۔وزیراعظم عمران خان نے اپنے خطاب میں کہا تھا کہ پاکستان میں پیٹرول اور ڈیزل کی قیمتیں اب بھی کم ہیں اور اگر حکومت سبسڈی نہ دے تو پاکستان میں پیٹرول کی قیمت 220 روپے فی لیٹر تک ہو جائے گی۔اس

کراچی(اے ایف بی) ماہ شعبان کا چاند دیکھنے کیلئے رویت ہلال کمیٹی کا اجلاس طلب کر لیا گیا۔ تفصیلات کے مطابق اب رمضان المبارک کی آمد بھی چند ہی دنوں کی دوری پر ہے۔رمضان المبارک کے آغاز میں اب صرف چند ہفتوں کا وقت باقی ہے، ایسے میں دنیا بھر کے اسلامی ممالک کی طرح پاکستان میں بھی ناصرف ماہ مقدس، بلکہ عید الفطر کی بھی تیاریاں شروع کی جا چکیں۔ماہ رجب کا اختتام قریب آنے ماہ شعبان کا چاند دیکھنے کیلئے مرکزی رویت ہلال کمیٹی کا اجلاس طلب کر لیا گیا ہے، جو جمعرات 4 مارچ کو چیئر مین مو لانا سید عبد الخبیر آ زاد اجلاس کی میں ہو گا۔

اسلام آباد(اے ایف بی) مغربی سسٹم بادل برسانے کیلئے تیار، کراچی اور لاہور میں بارش کی پیشن گوئی، شہر قائد میں بدھ کی صبح بوندا باندی کا امکان، لاہور میں بھی بادل برسنے کا امکان ظاہر کر دیا گیا۔ تفصیلات کے مطابق محکمہ موسمیات نے کراچی میں بارش کی نوید سنائی ہے۔ میڈیا رپورٹس کے مطابق ماہرین موسمیات نے بتایا ہے کہ بارش برسانے والا مغربی سسٹم بلوچستان کے راستے سندھ میں داخل ہو گا، اس سسٹم کے تحت بدھ کی صبح کراچی میں بوندا باندی کا امکان ہے۔مزید بتایا گیا ہے کہ اس مغربی سسٹم کی وجہ سے کراچی میں تیزبارش کا کوئی امکان نہیں ہے۔ صبح سے شہر میں موسم آبرآلود رہے گا تاہم دن کے اوقات میں مطلع صاف ہوجائے گا۔ اسی مغربی سسٹم کے تحت سندھ کے دیگر شہروں سکھر ، بدین ، لاڑکانہ اور جامشورو میں بھی ہلکی بارش کا امکان ہے۔دوسری جانب محکمہ موسمیات نے لاہور میں بھی دوبارہ بارش کی پیشن گوئی کی ہے۔گزشتہ ہفتے جمعہ کی شب کو شہر میں موسلادھار بارش کے بعد موسم سرد ہو گیا تھا۔