Blog

اسلام آباد(شوبزڈیسک) ملکی سطح پراپنی طرز کا منفردآن لائن میوزک مقابلہ اپنے اختتامی مرحلے میں داخل ہو گیا ہے مجوزہ مقابلہ میں سینکڑوں نوجوانوں کا حصہ لیا مقابلے کے تین دور ہوئے پہلے مرحلہ میں 125نوجوانوں کا چنائوکیا گیا بعد ازاں اس پرپھرآئن ووٹنگ کروائی گئی جسمیں عوام نے 25نوجوانوں کا انتخاب کیا گیا اب اس مقابلے کے بہترین10 لوگوں کا چنائو کر لیا کرلیاگیاہے ان دس میں سے مزیدتین امیدواروں کوحتمی طورپرمنتخب کیا جائے گا ۔مقابلے میں اب تک لاہور سے زائرہ علی، تلہ گنگ سے عثمان قیوم، اسلام آباد سے علی بلوچ، لاہور سے غیاث حیدر، کوئٹہ سے سمین خواجہ، کشمیر سے عائشہ ناصر خان، کراچی سے نعمان الشیخ، راولاکوٹ سے احمر خان، اسلام آباد سے دانش بٹ کامیاب قرارپائے ہیں پلیٹ فارم نے 28 جنوری کو پاکستان بھر میں نئی آواز آن لائن میوزک مقابلے کا آغاز کیا تھا۔اس سے پہلے مقابلے کے تین دور ہوئے تاکہ بہترین 3 میوزیشنزفاتحین کا انتخاب کیا جا سکیکے بہترین10 لوگوں کا چنائو کر لیا ہے اس پلیٹ فارم نے 28 جنوری کو پاکستان بھر میں نئی آواز آن لائن میوزک مقابلیکا آغاز کیا تھا۔اس سے پہلے مقابلے کے تین دور ہوئے تاکہ بہترین میوزیشنزفاتحین کا انتخاب کیا جا سکے.میوزک کے اس مقابلے میں ملک کے طول و عرض سے 1000 نوجوانوں نے اپنی سر بھری گائیکی کے ساتھ حصہ لیا.آن لائن میوزک مقابلے کا مقصد ملک میں سر کے چھپے ہوئے ٹیلنٹ کو نکھارنا تھا.تفصیلات کے مطابق پاکستان کے ممتاز اور مقامی میوزک پلیٹ فارم Bajao.PK نے بہترین10 لوگوں کا چنائو کر لیا ہے پلیٹ فارم نے 28 جنوری کو پاکستان بھر میں نئی آواز آن لائن میوزک مقابلے کا آغاز کیا تھا۔اس سے پہلے مقابلے کے تین دور ہوئے تاکہ بہترین 3 میوزیشنزفاتحین کا انتخاب کیا جا سکے میوزک کے اس مقابلے میں ملک کے طول و عرض سے 1000 نوجوانوں نے اپنی سر بھری گائیکی کے ساتھ حصہ لیا.مقابلے میں لاہور سے زائرہ علی، تلہ گنگ سے عثمان قیوم، اسلام آباد سے علی بلوچ، لاہور سے غیاث حیدر، کوئٹہ سے سمین خواجہ، کشمیر سے عائشہ ناصر خان، کراچی سے نعمان الشیخ، راولاکوٹ سے احمر خان، اسلام آباد سے دانش بٹ کو مبارکباد دی ہے۔ ، اور لاہور سے تعلق رکھنے والے مدبر خان ٹاپ ٹین باصلاحیت موسیقار قرار پائیجبکہ مقابلے کی میزبانی یشال شاہد اور بلال خان کر رہے ہیں، عبداللہ قریشی، اور عمیر جسوال مقابلے کے اختتام پر فاتحین کا اعلان کریں گے۔Bajao.Pk نئی آواز کا اقدام ٹیلی ویژن پر کسی بھی گانے/موسیقی شو کے برعکس ایک آن لائن موسیقی کے مقابلے کا پلیٹ فارم فراہم کرنا ہے جس سے باصلاحیت فنکاروں کا ایک پول بنایا جائے جو پاکستان میں میوزک انڈسٹری کا مستقبل بنائیں گے

کراچی(مانیٹرنگ ڈیسک)کراچی کے علاقے نارتھ کراچی میں شادی کی تقریب کے دوران اسٹیج گرنے سے 13 سالہ بچہ جاں بحق ہو گیا۔ریسکیو حکام کے مطابق ناتھ کراچی سیکٹر الیون ڈی میں شادی کی تقریب کے دوران اسٹیج گرنے سے 3 بچوں سمیت 4 افراد زخمی بھی ہوئے۔پولیس کا کہنا ہے کہ زخمی ہونے والوں اسپتال منتقل کر دیا گیا ہے جبکہ ذمہ داروں کے خلاف قانونی کارروائی کی جائے گی

ماسکو(اے ایف بی)روس نے خبردار کیا ہے کہ اگر اس کے وجود کو خطرہ لاحق ہوا تو جوہری ہتھیار استعمال کرنے سے دریغ نہیں کریں گے۔غیر ملکی خبر رساں ادارے کے مطابق ترجمان کریملن نے کہا ہے کہ ملکی سلامتی سے متعلق ہمارے اصول متعین اورپبلک ہیں اور جوہری ہتھیار متعین اصولوں کے تحت استعمال کریں گے۔دوسری جانب امریکی وزارت دفاع پینٹاگون کے ترجمان جان کربی نے اس حوالے سے رد عمل کا اظہار کرتے ہوئے کہا کہ روس کی جانب سے جوہری ہتھیاروں کا ممکنہ استعمال تباہ کن ہو سکتا ہے۔جان کربی نے کہا کہ کسی ذمہ دارجوہری ملک کو اس طرح کامظاہرہ نہیں کرنا چاہیے

لاہور(ویب ڈیسک) مختلف سرکاری سکولوں میں نئے داخل ہونے والے ہزاروںطالبعلم کتابوں سے محروم، سوا لاکھ کتابوں کی فوری ضرورت ،سٹوڈنٹس بازار سے کتابیں خریدنے پر مجبور ہوگئے۔تفصیلات کے مطابق سکولوں میں نئے داخل ہونے والے بیشتر طالب علموں کیلئے مختلف جماعتوں کی کتابیں ہی موجود نہیں ہیں۔ ذرائع کے مطابق پرائمری سکولوں میں نرسری ،پریپ ،پہلی، دوسری، چوتھی اور پانچویں جماعت کی بیشر کتابیں شارٹ ہیں۔ایلیمنٹری سکولوں میں چھٹی ،ساتویں اور آٹھویں جماعت کے نئے نصاب کی تاحال دستیابی بھی ممکن نہ بنائی جاسکی۔اس کے علاوہ ہائی سکولوں میں بھی نہم ودہم کی کمپیوٹر، کیمسٹری ، میتھ اور بائیو کی کتابیں دستیاب نہیں ہیں۔سکولوں نے ڈسٹرکٹ ایجوکیشن اتھارٹی کو کتابوں کی ڈیمانڈ بھجوا دی ہے۔دوسری جانب ایجوکیشن اتھارٹی کا کہنا ہے کہ اینرولمنٹ بڑھنے کی وجہ سے سکولوں میں کتابوں کی کمی ہوئی ہے۔ ہم نے ڈیمانڈ پنجاب ٹیکسٹ بک بورڈ کو بھجوادی ہے

اسلام آباد(اے ایف بی)آج ملک بھر میں یوم پاکستان منایا جائے گا۔ پاکستان کی ڈائمنڈ جوبلی سالگرہ کا سال ہونے کی وجہ سے 82 واں یوم پاکستان اور پریڈ منفرد و خاص اہمیت کی حامل ہے۔یوم پاکستان کے موقع پر مسلح افواج کی پریڈ کا اہتمام کیا گیا ہے جس میں تینوں مسلح افواج حصہ لیں گی ۔اس سال کی ایک خاص بات جدید ترین جے 10 جنگی طیاروں کا فلائی پاسٹ ہے جس کے ساتھ ساتھ ایوی ایشن فلائی پاسٹ بھی ہو گا۔ ایس ایس جی کے کمانڈوز فری فال کا مظاہرہ پیش کریں گے۔ اسی طرح جے 10 جنگی طیارے حال ہی میں پاک فضائیہ کے فضائی بیڑے کا حصہ بنے ہیں۔ چاروں صوبوں، آزاد کشمیر، گلگت بلتستان کے ثقافتی فلوٹس بھی تقریب کو چار چاند لگائیں گے۔علاوہ ازیں دوست ممالک کے دستے بھی پریڈ کا حصہ ہونگے۔ او آئی سی کے وزرائے خارجہ اجلاس کے شرکاء کو بھی یوم پاکستان پریڈ میں خصوصی طور پر مدعو کیا گیا ہے۔

لاہور(اے ایف بی)سکول ایجوکیشن ڈیپارٹمنٹ نےسنگل نیشنل کریکولم پر ٹریننگ حاصل نہ کرنے والے اساتذہ کیخلاف کاروائی کا فیصلہ کیا ہے۔تفصیلات کے مطابق سکول ایجوکیشن ڈیپارٹمنٹ نے ایس این سی ٹریننگ کرنے والے اساتذہ سے سرٹیفکیٹ مانگ لیا۔اب سکول انفرمیشن سسٹم سے اساتذہ اپنے ٹریننگ سرٹیفیکیٹ ڈاؤن لوڈ کرسکیں گے۔ 95 فیصد سے کم حاضری والے اساتذہ بھی اپنا سرٹیفکیٹ حاصل کرسکیں گے۔ اس کے علاوہ ٹریننگ نہ لینے والے اساتذہ کو فیس ٹو فیس لاہور میں ٹریننگ کرنا پڑے گی ۔ سکول ایجوکیشن ڈیپاٹمنٹ کے مطابق تمام اساتذہ کیلئے یکم اگست سے ایس این سی پر ٹریننگ حاصل کرنا لازمی ہوگا۔

اسلام آبا(اے ایف بی )الیکشن کمیشن آف پاکستان (ای سی پی) نے وزیر اعظم سمیت 5 دیگر وزرا پر الیکشن کے قواعد و ضوابط کی خلاف ورزی کرتے ہوئے عوامی جلسے سے خطاب کرنے پر 50،50 ہزار روپے جرمانہ عائد کردیا۔الیکشن کمیشن کے ترجمان ہارون شنواری کا کہنا ہے کہ 16 مارچ کو الیکشن کمیشن کے انتباہ کے باوجود وادی سوات میں عوامی جلسے سے خطاب کرنے پر سوات کے ضلعی مانیٹرنگ افسر نے وزیر اعظم عمران خان سمیت وفاقی و صوبائی وزرا پر جرمانہ عائد کیا ہے۔وزیر اعظم کے ساتھ ساتھ وزیر خارجہ شاہ محمود قریشی، وزیر اعلیٰ خیبر پختونخوا محمود خان، وفاقی وزیر برائے مواصلات مراد سعید اور صوبائی وزرا ڈاکٹر امجد علی محب اللہ پر بھی جرمانہ کیا گیا ہے۔وزیر اعظم کی جانب سے الیکشن کمیشن کے منع کرنے باوجود بھی ریلی نکالی گئی تھی۔حکومت کی جانب سے سرکاری عہدیداران اور منتخب نمائندوں پر سے پابندی ہٹاتے ہوئے گزشتہ ماہ جاری کردہ متنازعہ ترمیم شدہ الیکشن ایکٹ 2017 کے صدارتی آرڈیننس کے ذریعے انہیں انتخابی مہم چلانے اورحلقوں کا دورہ کی اجازت دی گئی تھی۔قبل ازیں، حکومت الیکشن کمیشن کے نوٹس کو سپریم کورٹ میں چیلنج کر چکی ہے۔دریں اثنا، مانسہرہ کے مانیٹرنگ افسر کی جانب سےوزیر اعظم کو نوٹس جاری کیا گیا جس میں 25 مارچ کو مانسہرہ جلسے سے خطاب کرنے سے منع کیا گیا ہے۔،

اسلام آباد(اے ایف بی) اٹارنی جنرل آف پاکستان نے صدر مملکت کی منظوری کے بعد آرٹیکل 63 اے کی تشریح سے متعلق ریفرنس سپریم کورٹ میں دائر کر دیا۔ صدر مملکت عارف علوی نے آئین کے آرٹیکل 186کے تحت سپریم کورٹ میں ریفرنس دائر کرنے کی منظوری دی۔صدر مملکت عارف علوی نے وزیرِ اعظم کے مشورے پرسپریم کورٹ کی رائے مانگی، ریفرنس کچھ ممبران پارلیمنٹ کے انحراف کی خبروں، موجودہ حالات کے پیش نظر فائل کیا گیا ہے۔صدارتی ریفرنس میں آرٹیکل 63 کی تشریح کے لیے سپریم کورٹ سے 4 سوالوں کا جواب مانگا گیا ہے۔کیا پارٹی پالیسی کے خلاف ووٹ دینے سے نہیں روکا جا سکتا؟ پارٹی پالیسی کے خلاف ووٹ شمار نہیں ہو گا، کیا ایسا ووٹ ڈالنے والا تاحیات ناناہل ہوگا؟،کیا منحرف ارکان کا ووٹ گنتی میں شمار ہو گا؟،پارٹی پالیسی کے خلاف ووٹ دینے والا رکن صادق اور امین نہیں رہے گا تو کیا ایسا ممبر تاحیات نااہل ہو گا؟،فلور کراسنگ یا ہارس ٹریڈنگ کو روکنے کے مزید کیا اقدامات ہو سکتے ہیں؟۔ اٹارنی جنرل خالد جاوید خان نے سپریم کورٹ کے باہر میڈیا سے گفتگو کرتے ہوئے بتایا کہ صدارتی ریفرنس میں صدر کی نمائندگی میں کر رہا ہوں، ریفرنس میں منحرف ممبران سے متعلق سوالات ہیں۔خالد جاوید خان نے بتایا کہ بنیادی سوال یہ ہے کیا منحرف اراکین تاحیات نااہل ہوں گے؟ منحرف اراکین کے ووٹ کی کیا وقعت ہوگی؟ منحرف اراکین کا ووٹ گنتی میں شامل ہوگا یا نہیں یہ دیکھنا ہے۔ سپریم کورٹ نے سیاسی جماعتوں کے لیڈرز کو وکلا کے ذریعے پیش ہونے کا حکم دیا تھا۔واضح رہے کہ ہارس ٹریڈنگ کیخلاف آرٹیکل 63اے کی تشریح کیلئے آج سپریم کورٹ میں پیش کیے جانے والے ریفرنس کا مسودہ تیار کرلیا گیا ہے جس کے اہم نکات سامنے آ گئے ہیں۔صدارتی ریفرنس میں سپریم کورٹ سے 4 سوالوں کا جواب مانگا گیا ہے، ریفرنس میں کہا گیا ہے کہ آرٹیکل 63 اے کی کونسی تشریح قابلِ قبول ہے؟ کیا پارٹی پالیسی کیخلاف ووٹ دینے سے نہیں روکا جا سکتا؟ریفرنس کے مسودہ میں کہا گیا ہے کہ پارٹی پالیسی کے خلاف ووٹ شمار نہیں ہوگا، کیا ایسا ووٹ ڈالنے والا تاحیات نااہل ہوگا؟ کیا منحرف ارکان کا ووٹ شمار ہوگا یا گنتی میں شمار نہیں ہوگا؟مسودہ میں سوال ہے کہ پارٹی پالیسی کیخلاف ووٹ دینے والا رکن صادق اور امین نہیں رہے گا تو کیا ایسا ممبر تاحیات نااہل ہوگا؟ فلور کراسنگ یا ہارس ٹریڈنگ کو روکنے کے مزید کیا اقدامات ہو سکتے ہیں؟ریفرنس کے مسودہ میں آرٹیکل 63اے میں نااہلی کی مدت کا تعین نہیں کیا گیا۔

کراچی (اے ایف بی) انٹربینک میں ڈالر کی قیمت میں کاروباری ہفتے کے پہلے ہی روز 63 پیسے کا اضافہ ہوا جس کے بعد ڈالر تاریخ کی نئی بلند ترین سطح پر پہنچ گیا۔کاروباری ہفتے کے پہلے ہی روز ڈالر کی قیمت میں 63 پیسے اضافہ ہوا جس کےبعد ڈالر 181.20 روپے کی سطح پر ٹریڈ ہو رہا ہے

ممبئی(اے ایف بی)جنوبی بھارت کی تامل فلم انڈسٹری کی مشہور اداکارہ گایتری المعروف ڈولی ڈی کروز 26 سال کی عمر میں خطرناک ٹریفک حادثے میں ہلاک ہوگئیں۔بھارتی میڈیا کے مطابق ڈولی ہولی منانے کے بعد دوست کے ہمراہ گھر لوٹ رہی تھیں کہ رفتار تیز ہونے کے باعث گاڑی ڈرائیور کے قابو سے باہر ہوگئی جس سے گاڑی فٹ پاتھ سے ٹکرائی اور الٹ گئی۔اداکارہ کو فوری طور پر اسپتال لے جایا گیا جہاں ڈاکٹروں نے ان کی موت کی تصدیق کی۔رپورٹس میں بتایا جارہا ہے کہ حادثے کے نتیجے میں ڈولی کی دوست 38 سالہ خاتون نے بھی موقع پر ہی دم توڑ دیا۔گایتری کا اصل نام ڈولی ڈی کروز تھا، انہوں نے اپنے یوٹیوب چینل ’جلسا رائیڈو‘ اور انسٹاگرام پر اپنی پوسٹس کے ذریعے شہرت حاصل کی۔بعد ازاں انہیں ویب سیریز ’میڈم سر میڈم انتھے‘ میں اداکاری کے جوہر دکھانے کا موقع ملا جس سے ان کی پذیرائی میں اضافہ ہوا